Red Double Sketch Heart

Pages

Tuesday, December 11, 2012

آيتى



عرفتها امتى وازاى موضوع غريب
كنا بنكرة بعض ازاى دة شئ اغرب واغرب
عرفنا بعض عن طريق مين دة اغرب حاجة

من اول مكالمه وانا حاسس ان فى حاجه بس بقاوح
والناس كلها شافت وانا بقاوح وهى بتقاوح

النتيجه اتخطبنا فى ظروف غريبه جدا
وحاجات كتيرة جدا كانت مستحيل انه تنزل للمناقشه اتحلت عادى بكل سهوله

النتيجه ايه بقى
بقى عندى ام واخت وزوجه و طفله وحبيبه
و كل حاجه فى دنيتى بقت بتتمحور فى حد واحد بس

آيتى

Tuesday, November 20, 2012

ليك



انا مش عارفة اكتب متزعلش منى 
والله بحاول بقالى اسبوع مخصوص علشان خاطرك 
بس مش عارفة كتبت حاجات كتير اوى ومسحتها 
حاسة انى مش عارفة اكتب مفيش افكار فى حاجة جوايا غلط 
ممكن اكون بفكر فى حاجات كتير مرهقة لابعد الحدود 
مش عارفة بجد عندى احساس رهيب ان ربنا بيعاقبنى 
كمان مبقتش اعرف اقول كل اللى جوايا فى ناس بتوصل احساسى وكلامى 
فى ناس واقفة مركزة معايا مش واثقة فى اى حد من اللى حواليا 
حاجات كتير اوى حصلت وبتحصل وتقريبا لسه هتفضل تحصل 
محتاجة اغير كل الجو اللى حواليا اخد راحة منى بس مش عارفة ازاى 
عماله اقول لنفسى انا اقوى من اى حاجة بس صدقنى مش قادرة 
تصدق انا اساسا عماله اقول لنفسى هى فين الازمة اصلا بردو مش عارفة 
عادية جدا انا بهزر وبضحك وكل حاجة بس لما بقعد مع نفسى بلاقى فى مشكلة 
هو اه انا مش عارفة ايه هى بس فى مشكلة 
نفسى اكتب اى حاجة اى كلام مش عارفة خالص احساس صعب اوى ده 
بس اوعدك مش هطول اكتر من كدا 
بحبك اوى على فكرة  <3 

Wednesday, July 11, 2012

فرحااااااااانة



عارف يعنى ايه فرحانة 
يعنى كل ما افتكر نظرة عنيك ابتسم واتكسف وقلبى يتنطط من السعادة
يعنى ابقى عايزة اقول للناس ده خطيبى وحبيبى وجوزى ان شاء الله 
يعنى صوتك وانت بتقولى اى كلمة فى اى موقف فى اى وقت يسعدنى 
يعنى اروح اقعد فى نفس المكان اللى كنت قاعد فيه فى بتنا كل شوية وابصله كل شوية واقولك وحشتنى 
يعنى احس ان الدنيا كلها فرحانة وبتغنى وكل لبسى مبسوط 
وكل الخلايا الحسية حاسة بسعادة 
طيب عارف كمان بقى بالنسبالى رقم 9 ده احلى رقم عارف ليه
علشان اشترينا الشبكة يوم 9 مارس وكتبنا اسامينا على الدبل وبقيت بتاعتك رسمى 
كمان 9 يوليو اكتر يوم قربنا فيه لبعض وحسيت قد ايه بحبك بجنون وقد ايه بتحبنى بجنون بردو 
اقولك ايه ولا ايه ولا ايه حبك بالعالم وكل اللى فيه اه والله بجد
انت عندى بالدنيا واللى فيها 
وبس بقى كدا يعنى علشان بجد مش عارفة اقول ايه 
ربنا يقدرنى واسعدك ولو شوية من السعادة اللى بتخلينى حاسة بيها يارب 


Thursday, June 28, 2012

بحبك



عارف لما كانوا بيقولوا المشاكل بتقوى وبتزود الحب
مش كنت بصدق واقول لا طبعا ازاى كدا
بس دلوقتى عرفت وحسيت قد ايه بعد كل مشكلة
بتغلى عندى اكتر وبتعلى فى نظرى اكتر واكتر
وبحس قد ايه بحبك و بخاف عليك ومش بستحمل زعلك
انت اصلا مش عارف انا لما بحس فى صوتك مضايق بكون عاملة ازاى
حتى لو مش انا اللى مضايقاك بردو ببقى هتجنن واخليك مبسوط
بجد بجد انا اكتشفت انك اغلى عندى من نفسى ومن اى حد فى الدنيا
لما ماما انت كانت بتقولى انك كنت مضايق لما رجعت ومش عارفة مالك
قالتلى محمد طيب و جميل اوى يمكن هو كتير بيتعصب بس انتى استحمليه
وهو شوية وبيروق واى كلمة حلوة بترضيه
قولتلها والله انا مبستحملش زعله ولو طلب منى اى حاجة فى الدنيا اعملها علشان بس ارضية
قالتلى انا عارفة انك بتحبيه اوى ياااااااه وقتها كنت فرحانة بشكل
كان نفسى احضنك واقولك الدنيا كلها متسواش لحظة زعل واحدة منك
اصلا ضحكتك عندى بالدنيا واللى فيها
والله انا بحبك فوق ما ممكن تتصور وفوق ما اى حد ممكن يتخيل
وكل ما يجى فى بالى انك الشخص اللى ربنا اخترهولى علشان يبقى جوزى و سندى ودنيتى
بدمع من الفرحة ده انت هدية ربنا ليا ازاى يعنى مش احبك قوى كدا
ربنا يخليك ليا وميحرمنيش منك ابدا
ولان مفيش بيت مفيهوش مشاكل فيارب
وتفضل مشاكلنا تقوينا وتقربنا من بعض اكتر واكتر يارب

Thursday, June 21, 2012

طلبات واعترافات




عايزة اقولك كلام كتير اوووووى بس محدش يشوفه غيرك
علشان كدا كتبته عندك انت عارف انى بقيت مشهورة وكدا ههههههههه
عارف بجد لما بتبقى مضايق ببقى هتجنن واعرف ايه مضايقك
ولما مش بعرف ببقى هتجنن اكتر واخليك مش مضايق
بفرح لما بتضحك اصلا نش عارف انت ضحكتك دى عندى يعنى ايه
بحس كدا ان الدنيا كلها بتضحك وقلبى بيتطنطط من السعادة
ولما بتضحك بصوت عالى بحس انى عايزة اطير فى السماء او اصرخ بصوت عالى
بحببببببببببببببببببببببببببببببببببببببك
انا فعلا بغير من النوم بحس انه بياخدك منى
بس بعد الجواز ان شاء الله اوعدك اسيبك تنام براحتك وافضل انا اتفرج عليك
وحشنى صوتك وانت نايم فاكر لما كنت تنام من التعب وانت بتكلمنى وافضل انا على الخط
وتصحى تقولى كنتى بتعملى ايه كل ده ومش تصدقنى وانا اقول كنت بسمعك
ببقى فرحانة اوى وانا بسمعك وانت نايم كأنى شيفاك كدا
بفرح بكل كلامك وكل تصرفاتك وكل حاجة بتجيبهالى
وبهذه المناسبة مش تنسى الشيبسى والشيكولاته بتهيالى انا فضحكتك فى كل حته اصلا ههههههههه
نفسى اروح معاك صحراء ونبقى لوحدنا وبس ونروح مطروح و سيناء
ونروح فلسطين ونصلى فى القدس ونروح مكة ونحج وتخلينى المس الحجر الاسود
وابقى فرحانة اوى وقتها وادمع زى دلوقتى كدا واقول يارب انت عارف بحبه قد ايه أحفظهولى وباركلى فيه
وارزقنى منه بالذرية الصالحية و احمية من شر عينى وعيون كل الناس ياااااااارب
كمان نركب طيارة ومركب وحصان وووو نلعب فى الرمل وبطل تقولى بنطلون البدلة هيبوظ
فدايا بنطلون البدلة على فكرة وبعدين انت عندك كتير جت على البدلة دى يعنى
انا حتى فى الحلم وانت مش كنت لابس بدلة وبقولك تعالى نمشى على البحر قولتلى بنطلون البدلة هيبوظ ههههههههه
شفت جننتنى ازاى خالص كدا
انا مجنونة بيك ازاى وبعترف كمان

( تحذير )

لما تصحى من النوم وتشوف البوست ده اوعى تضحك قبل ما تصحينى علشان اسمع ضحكتك

Monday, March 19, 2012

وبقيت ليااااااا







كان مين يصدق
طبعا ولا اى حد اذا كان انا نفسى مش مصدقه
طيب انت مصدق مستوعب اللى حصل اصلا
اتخطبناااااااااا هيييييييييييييييييييييييه
كان نفسى  اكتب البوست ده يوم ما كتبت اسمك على دبلتى
وانت فرحان كدا وبتقولى شبكتك خلاص وكتبت اسمك على دبلتى
كان احلى يوم ف حياتى عقبال يوم ما تلبسنى بقى الدبلة كدا بس ده ليه مفاجاة تانية خاااالص
بجد كل يوم الصبح اول ما بصحى كدا بفضل اقول لنفسى اتخطبنا والله صدقى بقى
مش علشان انت كتير عليا زى ما دايما بقولك ولا علشان كنت شايفه الموضوع صعب
بس علشان انت اخر واحد ف الدنيا كنت اتخيل يبقى خطيبى
بس نقول ايه بقى قدر وطبعا اجمل قدر ف الدنيا
عارف قد ايه فرحانة اكيد طبعا مش عارف لانى مش لاقيه قد لفرحتى بيك
ورغم انك مصمم ان اغنية نخبى ليه ف اسرارنا هى اغنيتنا
الا انى من موقعى هذا اصر واصمم على ف يوم وليلة
ولانى انا اللى بكتب البوست احب اغنيلك بقى

في يوم وليلة دقنا حلاوة الحب كلو في يوم وليلة

انا وحبيبي دوبنا عمر الحب كلو في يوم وليلة
عمري ما شفتو ولا قابلتو وياما ياما شغلني طيفه
وفي يوم لقيته لقيته هوا هوا اللي كنت بتمنى شوفه
نسيت الدنيا وجريت عليه سبقني هوا وفتح ايديه
لقينا روحنا على بحر الشوق نزلنا نشرب
ومين يصدق يجرى ده كلو ونعيش سوا العمر كلو في يوم وليلة 
ياللي كان طيفك على بالي وانا بتمناك 
مش هتصدق ايه كان حالي قبل ما القاك
كنتا اغير..اغير اغير..من كل نسمة..حلوة بين حبيبين
وانا لما صحيت على حبك وشفت الدنيا من عندك
اتمنى لو كل العشاق يحبو زي انا ما بحبك

يا حبيبي كنت واحشني من غير ما اشوفك وتشوفني
آآآآه والقدر الحلو اهو جابني الحلو الحلو الحلو جابني
وجابك علشان تقابلني اتارينا كنا تايهين ولقينا
احلا ايام ليالينا واحنا فيها لوحيدنا

Wednesday, February 1, 2012

كل سنة وانت طيب




كل سنة وانت حبيبى وحياتى وكل حاجة ليا فى الدنيا 
كل سنة وانت جنبى ومعايا وكل حاجة بينا بتكبر اكتر 
كل سنة وانت بتكبر وانا بحبك اكتر
كل سنة وانت ليا


Saturday, January 7, 2012

عايز اقولك حاجه



عايز اقولك حاجه فيكي مليون  حاجه اجمل من بعض
فهماني وحساني مخلوقه عشاني بنكمل بعض
عايز اقولك حاجه فيكي مليون حاجة اجمل من بعض 
فهماني وحساني مخلوقه عشاني بنكمل بعض
بقي كده بسهوله يا بنت الايه جبتيني ختي قلبي مني وخطفتيه
هي كلمه واحده وخدتيني ينفع كده الي عملتيه
من اول لمسه ايد دوبتيني دوبتيني لا ده مش انا
وده الي عليا جديد غيرتيني قربتيني للحب هوا
من اول لمسه ايد دوبتيني دوبتيني لا ده مش انا
وده الي عليا جديد غيرتيني قربتيني للحب هوا
بقي كده بسهوله يا بنت الايه جبتيني ختي قلبي مني وخطفتيه
هي كلمه واحده وخدتيني ينفع كده الي عملتيه

Friday, January 6, 2012

حاجات كدا



حاجات كدا بحبها فيك
وبردو شوية حاجات كدا مش بحبها
بس كدا الاولى اكبر بكتيرررر من كدا التانية

عارف لما بتقولى يا مجنونة بفرح اوى
اصل انا مجنونة بيك انكر يعنى
بفرح اوى كمان لما بتقول على حاجة عايز تجيبهالى
حتى لو جبتها فانا بفرح بيها بردو
ربنا يخليك ليا يارررب واطلع عينك وتفضل تجيبلى طول العمر

لما باكل شيبسي بحبك اكتر ولما باكل شيكولاته بكون عايزة اديلك نصها
و لما بشرب نسكافية بحس انك بتشرب معايا
لكن بقى لما بعمل شاى بقول تجاوزا هبقى اخليه يشرب من كوبايتى
بس شوية صغيرين اتفقنا ؟

لسه هبقى اكمل بس وقت تانى بقى
لكن فى الفاصل احب اقولك
بحببببببببببببببببببببببببببببببببببك