Red Double Sketch Heart

Pages

Wednesday, October 12, 2011

نفسى اقولهالك



طبعا انا استوليت على البلوج بتاعك نظرا لان بتاعى مش بقى شخصثى خالص
فى طريقى الى الشهرة وبما ان انت السبب فانا بطلعه عليك :P

بحبك نفسي اقولهالك وكل الدنيا تسمعنى
وهفضل اقول واعيدهالك مفيش حاجة هتمنعنى
وايامى هعيشهالك موافق لو تضيعنى
واضيع مع حد ف جمالك بسيطة تعدى ايه يعنى

كنت مصمم تقولى الاغنية دى قدام كل الناس 
وانا هموت من الكسوف اصلا مش عارف الاغنية دى كل ما بتقولها بتكسفنى قد ايه
وبتفرحنى جدااااا بحس بحاجات كتيررررر بحس ان انا كمان عايزة اقولك
قدام كل الناس بحببببببببببببببببببببببببببببببببك

ده نص البوست بس علشان لما تصحى من النوم تلاقيه على ما ارجع من الشغل
اكمل واكون كمان فكرت هقولك ايه

انا كتبتلك حاجات اول ما رجعت من الشغل بس النت فصل فضاعت
بس اصلا مش محتاج اقولك حاجة هنا انت عارف كل حاجة
مش لاقية كلام اقوله غير ربنا يباركلى فيك ويخليك ليا يارب

Thursday, September 1, 2011

سامحنى

كتير اوى كنت بقولك متسبنيش خليك معايا
كتير اوى مش كنت بعرف انام لو انت مش جنبى
وكتير اوى كنت خايفة ابص حواليا مش الاقيك
انا عارفة ان استحالة الدنيا هتدينى كل السعادة دى وتسيبنى فيها
كنت متاكده انك كتير عليا وانت مش كنت مصدقنى
والله العظيم انا عمرى ما حسيت انى مش محتاجة حد تانى فى الدنيا غير وانت معايا
وحياتك انت انا كانت نيتى خير ومش جه فى بالى لحظة ان ده معناه زى ما قولتلى
وانا كنت قولتلك والله كنت قولتلك ومن اخر مرة قولتلى ميحصلش وحياتك ما حصل بعدها
انت مصدق انى ابقى قاصده اللى فى بالك ده
انا طفلتك اللى عارفها اكتر من باباها ومامتها واكتر من كل الدنيا تصدق انها تفكر كدا
تعبانة اوى من غيرك مش هتتخيل اوى قد ايه
وكل ما اتخيل ان مش بقى عندك ثقة فيا اكره نفسى راجع الكلام تانى وفكر فيه براحه
وحط فى بالك انها انا وان كان بحسن نية وانى قولتلك كل حاجة
وانا خلاص اتعلمت وفهمت ومش هيحصل اى حاجة تصايق تانى وحياة ربنا ما هيحصل



Wednesday, August 10, 2011

فاكر






فاكر لما كتبتلك اول حاجة من غير ما اخد بالى
ان معناها بحبك بشكل غير عادى
تصدق بقى انى لما قريتها من شوية قلت البت دى عبيطة
كل ده ومش فاهمه انها بتحبه

فاكر لما قفلت البلوج بتاعى والفيس بوك ال ايه علشان مش تكلمنى
وفى نفس الوقت اعملك ايميل مخصوص ليك لوحدك ونفضل نتكلم عليه طول الوقت
كنت بغير من كلامى اللى كنت بكتبه فيهم وبيعجبك اوى كدا
قلت بقى انا هبطل اكتب مدام عاجبه كلامى اكتر منى
ايوة انا بغير من نفسى عليك اعمل ايه يعنى

فاكر لما كنت بكلمك 12 ساعه فى اليوم وباكدلك فى كل ثانية اننا صحاب وبس
كنت بتغاظ اوى لما الاقيك بتاكدلى اننا فعلا صحاب وبس
مش علشان بحبك لا خالص علشان مضايقنى انك تكون مش بتحبنى
واتاريك كنت بتجبنى وانا مش واخدة بالى

فاكر لما نزلتى اغنية هو انتى لسه بتسالى لهانى شاكر والاصلية علشان بحبها
وقتها كان نفسى تقولى الاغنية دى ليكى
وفضلت مقتنعه انك نزلتها بس علشان انا ترضينى
نفسها تنزلها تانى وتقولى دى ليكى وياريت كمان علمنى حبك وتكتبلى اهداء عليها

فاكر لما بزعل وانت نايم وانا صاحية
بحس بغربة من الدنيا وانت نايم مع انى عارفة انك تعبان من الشغل
اكون بغير من النوم كمان ده كدا يبقى جنان رمسى بقى

فاكر انا بكتب البوست ده ليه علشان انا قلتلك هديتك على عزومة ماما بوست
تخيل بقى بقالك قد ايه قايلى هكتبلك بوست ومش كتبته
بس علشان انت تستاهل الدنيا كلها مش بوست بس قلت اكتبه وامرى لله



Tuesday, July 26, 2011

انا فى حبك



بقى عندى احساس ان البلوج ده بتاعنا مش بتاعك انت لوحدك
ومش عارفة ليه كل ما احس انى عايزة اقول بحبك واسمع كل الدنيا يجى فى بالى اقول هنا
بصرف النظر عن انى مجنونة بيك اللى مش عارفين ليه لحد دلوقتى
فانا بجد نفسى اسعدك
عايزة اعمل اى حاجة فى الدنيا علشان اسعدك
كل حاجة قليلة عليك تفتكر اعمل ايه بقى ؟

كل ما الاقيك بتحبنى احب ماما اكتر علشان هى جبتك ليا
يمكن علشان كدا هى حبتنى بس انا نفسى تفضل تحبنى على طول
انا عارفة انك بتحبها اوى وانا حبتها اوى والله زيك واكتر شوية كمان
اه بجد والله حبتها علشان حاجات كتير اوى بحس انها شبهى وشبه ماما ( ماما انا )
علشان كدا اتعودت عليها اكتر بس المشكلة انى مش بعرف اجمع ولا كلمة قدامها
ببقى مكسوفة اوى ومتلغبطة كدا مش عارفة ليه بس مع الوقت هبقى عادى مش صح ؟

بقولك ايه صحيح بالنسبة لانى خلاص المفروض مجنونة وكدا
ممكن اقولك اعقل انت شوية بقى ولا ايه :P
اصل مش نافع نبقى احنا الاتنين مجانين بالشكل ده كتير اوى كدا
بس بحبك اكتر واكتر واكتر لما ببقى زعلانة وبحكيلك حاجة وانت بتتكلم بمنتهى العقل
يااااااااااااه بحس قد ايه انت احسن راجل فى الدنيا وببقى فرحانة اوى بيك
ربنا يخليك ليا ومش يحرمنى من حنيتك وخوفك عليا
ويخلينى ليك بردو وافضل انرفزك وفى الاخر تقولى ما انتى عبيطة اساسا :D

كلمة اخيرة بقى
بحبببببببببببببببببببببك موووووووووووووووووووووت

Tuesday, July 5, 2011

ليتها



هي كون نختال فيه..
لكنها..
تسجن نفسها في أطر ضيقة!!

-----------------

الكل يشعر  أ نها.. كل شيء
وهي تؤمن  أ نها.. لا شيء!!
ليتها تؤمن..
 أ ن لا شيء منها بكل شيء من غيرها!!

--------------

هي الشط.. ولجة البحر
مرساها..  أمان
والغرق فيها..حياة

-------------

دائما في حبها..
أبحث عن مفردة تجعلها.. سيدة كل شيء!!

-------------

عندما هاتفته أ لول مرة..
قالت له: هذي  أ نا..
ورقمه يسكن عالمها منذ حين
عندما أنور شاشة جواله برقمها..
 أ درك قبل  أ ن تنطق أ نها هي..
عصر المعجزات عاد مع..رقمها!!

-------------------------

قالت له: لماذا أ نا..؟
قال لها: لأنك  أ نت وحدك..!!
قالت: ستتعب..
قال: ولهذا  أ نا نشأت..!

-------------------

قال لها.. أتمنى لو كنت ولي أمرك..
قالت له..
يكفيك أنك ولي روحي

............................................

وكأن خالد كان يعرفها ويقصدها
فكم اغار من كلمات تشبهها ولست انا بقائلها
ليتها تقرأ وليتها تعلم كم اعشق كل ما ينتهى بـ ها

Saturday, June 25, 2011

i love u


بما انى عارفة انك بتحب البوستات بتاعتى وبتستناها
وبما انى مقصرة معاك اوى فيها عارف انت انه غصب عنى بس بردو لازم اعوضهالك
قلت بقى ايه اعملهالك مفاجاة واكتبلك عندك

ملحوظة من الاول كدا
مكسوفة جدااااا زى ما يكون اول مرة اكتب فى حياتى
فلو الكلام طلع ملغبظ مش تضحك عليا

.................................................................

طبعا انت شايف اننا مفيش بينا وسط يا اقصى درجات الحب يا اقصى درجات العسبية
انا بقى ببقى مستمتعة بيك وانت عصبى اكتر من وانت فى حالة حب
مجنونة بقى انا عارفة بس هقولك ليه
وانت متعصب وبتزعق بيطلع منك كلام حنين كدا بتخلينى اسكت خالص
عارف وقتها حتى لو مضايقة ولسه عند موقفى ببقى فرحانة جدا وبنسى اى حاجة وبركز بس فيك
طبعا انت مش بتاخد بالك من كلامك الحلو اللى بتقوله فى النص بس انا ببقى مركزة جدا

..................................................................

فى حاجة وحشتنى منك لما كنت بتقولى وغلاوتك انتى
هو انت ليه مش بقيت بتقولها
اقولك سر الكلمة دى كانت السبب فى انى احبك
ابقى قولها وانا مش هقول لنفسى ان انا اللى فكرتك بيها

...................................................................

جملتك بلاش تفسرى اى حاجة لا منطقية بالمنطق بقت هى التفسير المنطقى لاى حاجة بفكر فيها
انا لحد كام يوم عماله اقول لنفسى طيب ازاى وامتى وهو ايه اللى بيحصل اصلا
حاسة انى كنت بحبك من سنين كتير اوى وكنت مش واخدة بالى
وفجاة لقتنى معاك فحسيت بكل الحب ده فى لحظة واحدة
هتصدقنى لو قولتلك انى حاسة انى طفلة بجد اول مرة افكر واول مرة احلم واول مرة احب

......................................................................

ربنا يخليك ليا ياااااارب ويقدرنى انى اسعدك
لان انت تستاهل كل السعادة اللى فى الدنيا



Saturday, June 18, 2011

الاطفال احباب الله





وانا اتمنى اتفرج على الافلام كلها معاكى مش فيلمين بس
وهنسمع الاغانى ونكتبها كمان و منتخافيش مش هاكل منك شيبسى هجيبلك شيبسى يكفيكى سنتين قدام :D
ولا دة مش العادى مع كل الناس ولا مع حد حتى دة مش عادى اساسا ومبهتمش انا باى حد كدة خالص
عادى اعتبرينى زى مانتى عايزة والاهم ان نفضل مع بعض مش مهم ازاى المهم مع بعض
اة انتى طفله بس طفلتى انا بس مش طفله حد تانى :)
وملكه انجلترا مش اهم منك انتى اهم منها اكيد
متقاوحيش دماغك عملتها قبليكى ومنفعتش 
واللى فهماه متحاوليش متفهميهوش او تعملى مش فهماة بس كدة
بالمناسبه الدبدوب اللى فوق دة بتاعك :)


إذا أردت أن تتخذ فتاة من الفتيات زوجة لك.. فكن لها أباً وأماً وأخاً .. لأن التي تترك أباها وأمها وأخوتها لكي
تتبعك .. يكون من حقها عليك أن تري فيك رأفة الأب .. وحنان الأم .. ورفق الأخ
( ديجون راي )


Friday, June 17, 2011

اطمني


اطمني هيجي يوم ونعيش سوا اطمني

اطمني ايام سنين هتفوت هوا اطمني

اطمني هنكون لبيعض احلامنا بكرة تلاقي ارض

مش هتفضل طايرة تايهه في الهوا

صعب الطريق من اوله لاكن اكيد هنكلمه

طول منا شايف روح جمبي عمر الخوف مهيعرف قلبي

بوعدك لو طال طريقنا ولا تاه

نوصل لابععد حلم بينا في الحياه


احمد فوزي - اطمني

Thursday, June 16, 2011

غريب






انا جيت تانى اليومين دول الواحد حاسس بحاجات ومشاعر متناقضه هقتولولى ازاى

الواحد بيبقى فرحان شويه وزعلان شويه

مش دى القضيه بقى بيبقى زعلان فى حاجات تفرح و فرحان او مش متضايق فى حاجات تزعل

ومحدش فاهم ليه ولا انا فاهم لييه

بفرح اما بكلمها وبزعل اما مكلمهاش يمكن دى الحاجه الوحيدة المنطقيه اليومين دول


Tuesday, June 14, 2011

بحر الحياه



بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!


بقالى كتيييييييييير مبكتبش حاجات خالص 

وقرررت ارجع اكتب تانى و حبيت ابداء بالكلمات دى عشان بحبها